सेप्टेम्बर १६ , माल्टा
गैर आवासीय नेपाली संघ, राष्ट्रिय समन्वय परिषद् (एन आरएनए) माल्टाले नेपालीहरुको महान चाड हरितालिका तीजको अवसरमा यहि आउँदो १६ तारिखका दिन तीज विशेष कार्यक्रम गर्ने भएको छ ।
कार्यक्रमलाई भव्य र सफल बनाउँन गायिका रिता केसी माल्टामा स्वागत गरिएको छ । केसीलाई स्वागत गर्न एनआरएनए माल्टाका वरिष्ठ उपाध्यक्ष मधु गुरुङ, आईसिसी सदस्य नवीन गिरि, महिला उपाध्यक्ष सबनम गुरुङ, महिला संयोजक धनु लामा सहकोषाध्यक्ष सुबास तिम्ल्सिना पुगेका थिए।
आउँदो १६ तारिख शनिबार साँझ ५ बजेदेखि १० बजेसम्म सेन्त्रु फेमिलिजा एमसिदामा हुने कार्यक्रममा गायिका केसी लगाएत स्थानिय कलाकारहरु समेतको प्रस्तुती रहने आयोजक संस्थाले जानकारी दिएका छन् । संस्थाका अनुसार कार्यक्रममा महिलाहरुका लागि प्रवेश निःशुल्क छ भने पुरुषका लागि ५ युरो तोकिएको छ ।
कार्यक्रम सांस्कृतिक पर्व हरितालिका तीज लक्षित पभएकाले नेपालीपन, पहिचान तथा संस्कृति जोगाउन र सांगीतिक माहोलमा एकआपसमा आत्मीयता साटासाट गर्दै मनोरञ्जन लिन सकिने एन आरएनए माल्टाका अध्यक्ष रेमलाल खनाल बताउँछन् । यस कार्यक्रमले नेपालीहरु बिचको सम्बन्धलाई थप प्रगाढ बनाउने र संस्थालाई थप उचाइमा पुर्याउनेमा उनको विश्वास छ। कार्यक्रममा सम्पुर्ण माल्टाबासी नेपालीहरुलाई उपस्थितिका लागि आयोजकले अनुरोध गरेका छन् ।
