दमौली, असोज ११
अधिकार क्षेत्र बाहिर गई बिरामीलाई भर्ना गरी उपचार गरेको आरोपमा प्रहरीले दुई जना मेडिकल सन्चालकलाई पक्राउ गरेको छ ।
जिल्ला प्रशासन कार्यालय तनहुँ, ब्यास नगरपालिका, स्वास्थ्य कार्यालय तनहुँ, दमौली अस्पताल, उद्योग बाणिज्य संघ तनहुँ, जिल्ला प्रहरी कार्यालय तनहुँ र सन्चारकर्मी सहितको अनुगमन टोलीले विहिबार अनुगमन गर्दा अधिकार क्षे भन्दा बाहिर गई विरामी उपचार गरेको पाईएपछि ब्यास नगरपालिका–३ परासरटोलमा बिष्णु कुमारी गरौजा मगर र कैलाली भजनी नगरपालिका वडा नम्बर ६ दौनहिया घर भई ब्यास नगरपालिका वडा नम्बर ३ अनसनचौतारीमा मित्रता स्वास्थ्य क्लिनिक सन्चालन गरेका ४५ बर्षिय चन्द्र बहादुर चौधरीलाई प्रहरीले पक्राउ गरेको हो ।
गरौंजा मगरले प्रजुन थापा मेडिकल हलको नाममा क्लिनिक दर्ता नगरी फार्मेसीमा बिरामी जाँच गरेको तथा बिरामीलाई ईन्जेकसन मार्फत उपचार गराएको अनुगमनमा भेटिएको थियो भने चौधरीले सन्चालन गरेको मित्रता स्वास्थ्य क्लिनिनमा डाक्टर नभएको, आफै औषधी सिफारिस गरेको, डेंगु पोजेटिभ बिरामीहरुलाई ईन्जेक्सन, ट्याबलेट र ईन्टिबायोटिक्सको माध्यमबाट उपचार गराएको भेटिएपछि पक्राउ गरिएको जिल्ला प्रहरी कार्यालयले जनाएको छ ।
पक्राउ परेकाहरुलाइ ईलाज सम्बन्धि कसुरमा तनहुँ जिल्ला अदालतबाट चार दिनको म्याद थप अनुमती लिई थप अनुसन्धान भईरहेको जिल्ला प्रहरी कार्यालय तनहुँका डिएसपी मोहनबहादुर खाँडले बताए ।
