देवघाट, कार्तिक २४
देवघाटधाम जेसिजले जाजरकोट र रुकुम पश्चिमका भुकम्प पिडितलाई राहत सहयोगको लागि २५ हजार ५ सय ५५ रुपैयाँ उपलब्ध गराएको छ । देवघाटधाम जेसिजले शुक्रबार देवघाट गाउँपालिकाको विपद राहत कोषमा जम्मा हुने गरि सो रकम हस्तान्तरण गरेको हो ।
देवघाटधाम जेसीज वर्ष २०२३ का क्षितिज सापकोटाले देवघाट गाउँपालिकाका अध्यक्ष तिलबहादुर थापालाई सो रकम बराबरको चेक हस्तान्तरण गरेका थिए । गाउँपालिकाको सभाहलमा भएको सहयोग हस्तान्तरण कार्यक्रममा देवघाटधाम जेसीजका संस्थापक अध्यक्ष विकास सापकोटा र देवघाट गाउँपालिकाका कर्मचारीहरूको उपस्थिति रहेको थियोे । सो अवसरमा गाउँपालिकाका अध्यक्ष थापाले भुकम्प पीडितलाई सहयोग गरेकोमा देवघाटधाम जेसिजलाई धन्यवाद दिए ।
देवघाट गाउँपालिकाले भुकम्प पीडितको सहयोगको लागि पाँच लाख उपलब्ध गराउने निर्णय गरिसकेको छ ।
