देवघाट, मंसिर ११
देवघाट गाउँपाालिकामा सन्चालित विभिन्न योजनाहरुको अनुगमन गरिएको छ । वडा नम्बर ५ मा सन्चालित विभिन्न योजनाहरुको सोमबार अनुमगन गरिएको हो ।
अनुगमन टोलीले गाउँपालिकाको निर्माणाधिन प्रशासकीय भवन, वडा नम्बर ५ को वडा कार्यालयको भवन तथा घिनाटार देउपुर सडकको अवस्थाको बारेमा अनुमगन गरेका थिए । गाउँपालिकाको प्रशासकीय भवनको ९० प्रतिशत भौतिक प्रगति सम्पन्न भईसकेको योजना शाखाका प्रमुख तिर्थ ढुङ्गानाले बताए । ढुङ्गानाका अनुसार त्यस्तै वडा कार्यालय भवनको पनि निर्माण कार्य लगभग पुरा भईसकेको छ भने घिनाटार–देउपुर सडक भने अलपत्र अवस्थामा रहेको पाईएको छ ।
गाउँपालिकाका उपाध्यक्ष एवं अनुगमन समितिका संयोजक भुवन सिंह गुरुङ, प्रमुख प्रशासकीय अधिकृत गौरीप्रसाद आचार्य, वडा नम्बर ५ का अध्यक्ष एवं गाउँपालिकाका प्रवक्ता पुर्णबहादुर कुँवर, गाउँपालिकाका योजना र प्राविधिक शाखाका प्रमुखहरु तथा सन्चारकर्मीहरुले ति योजनाहरुको भौतिक प्रगति र निर्माणको गुणस्तरको बारेमा अनुमगन गरेका थिए ।
अनुगमन पश्चात गाउँपालिकाका उपाध्यक्ष गुरुङ र प्रमुख प्रशासकीय अधिकृत आचार्यले कुनै पनि योजनाहरुको गुणस्तर महत्वपुर्ण हुने हुँदा निर्माणलाई गुणस्तर र समयमै सम्पन्न गर्नु पर्नेमा गम्भिर बन्नु पर्ने बताए ।
