बन्दिपुर, पुस २४
बन्दीपुर गाउँपालिकाले ‘ग र घ’ वर्गको अपाङ्गता भएका व्यक्ति र परिवारका सदस्यहरूको निःशुल्क स्वास्थ्य बिमा कार्यक्रम सुरु गरेको छ ।
चालु आर्थिक वर्षको बजेटमै रकमको व्यवस्था गरेर बन्दीपुर गाउँपालिकाले ‘ग र घ’ वर्गका अपाङ्गता भएका व्यक्ति र त्यस्ता व्यक्तिको परिवारका सदस्यहरूको नि शुल्क स्वास्थ्य बिमा गाउँपालिकाले नै गरिदिन थालेको हो ।
क र ख बर्गका अपाङ्गता भएका व्यक्तिको स्वास्थ्य बिमा संघ र प्रदेश सरकारले गरिदिएपनि ग र घ बर्गका अपाङ्गता भएका ब्यक्तीहरुको नि शुल्क स्वास्थ्य बिमा कार्यक्रम सुरु भएको बन्दीपुर गाउँपालिका अध्यक्ष सुरेन्द्र बहादुर थापाले बताए ।
चालु आर्थिक वर्षमा ‘ग र घ’ वर्गको अपाङ्गता भएका व्यक्ति र परिवारका सदस्यहरूको लागि ६ लाख रूपैयाँ बजेट विनियोजन भएको र यसबाट करिव १७० परिवारले निःशुल्क स्वास्थ्य बिमाको लाभ दिने गाउँपालिका अध्यक्ष थापाले बताए ।
