देवघाट, फागुन २
क्षत्री समाज देवघाटको अध्यक्षमा गणेशबहादुर थापा चयन भएका छन् । समाजको बुधबार देवघाट–५ स्थित बद्रि मुक्ति टोलको महिला समुहको भवनमा भएको भेलाले थापाको अध्यक्षतामा १३ सदस्यिय क्षत्री समाज देवघाट गाउँपालिका समिति गठन गरेको छ ।
समितिको उपाध्यक्षमा सुर्य तिवारी, महिला उपाध्यक्षमा तारा पाण्डे, सचिवमा श्यामबहादुर बगाले, सहसचिव गणेश तिवारी र कोषाध्यक्षमा दिनेश काफ्ले चयन भएका छन् ।
यसैगरि सदस्यहरुमा मन कुमार, निरमाया बोहोरा, मिठुमाया पौडेल, समिर ढुङ्गाना, गोपाल कुँवर, नन्दकली न्यौपाने र रामबहादुर बस्नेत रहेका छन् ।
सो भेलालाई क्षत्री समाज तनहुँका अध्यक्ष इश्वर बहादुर विष्ट र सचिव कुलबहादुर थापाले सम्बोधन गरेका थिए । उक्त कार्यक्रम देवघाट गाउँपालिका वडा नम्बर ५ का अध्यक्ष पुर्णबहादुर कुँवरको अध्यक्षतामा सम्पन्न भएको थियो ।
