दमौली, फागुन २
तनहुँको मानपुर–नवलपुरको डेढगाउँ–बुलिङटार सडक १५ दिन अवरुद्ध हुने भएको छ । सडक कालोपत्रे गर्नको लागि आगामी फागुन ७ गते देखि २२ गतेसम्म बन्द हुने पूर्वाधार विकास कार्यालय तनहुँले जनाएको छ ।
मुस्ताङको कोरोलादेखि नवलपुरको त्रिवेणी जोड्ने छोटो दूरीको उक्त सडकअन्तर्गत तनहुँ खण्डमा पहिलो चरणमा कालोपत्रे हुन लागेको हुँदा सो सडक बन्द गरिने कार्यालयका प्रमुख कृष्ण आचार्यले बताए ।
गण्डकी प्रदेश सरकारले गौरवको योजनाका रूपमा रहेको यस आयोजनाको घिरिङ गाउँपालिकाको मानपुरबाट कालोपत्रे सुरु गरिने कार्यालयको सूचना अधिकारी धनमाया मिश्रले जानकारी दिइन् ।
अस्फाल्ट प्रविधि सडक कालोपत्रे गरिने कार्यालयले जनाएको छ । सडक बन्द हुने समय अवधिभर वैकल्पिक सडक प्रयोग गर्न कार्यालयद्वारा जारी विज्ञप्तिमा उल्लेख गरिएको छ ।
