दमौली, मंसिर २३
नेकपा माओवादी केन्द्र म्याग्दे गाउँ कमिटिको अध्यक्षमा बालकृष्ण श्रेष्ठ चयन भएका छन् । आइतबार सम्पन्न दोश्रो गाउँ अधिवेशनबाट श्रेष्ठको अध्यक्षतामा ४५ सदस्यिय गाउँ कमिटि चयन गरिएको छ ।
कमिटिको उपाध्यक्षमा जमुना अधिकारी र बिकास नेपाली, सचिवमा सोम बहादुर सदाशंकर, सहसचिवमा टेक बहादुर कामी र कोषाध्यक्षमा राजेश अधिकारी चयन भएका छन् ।
उक्त अधिवेशनको नेकपा माओवादी केन्द्रका केन्द्रीय सदस्य तथा गन्डकी प्रदेश संसदीय दलका नेता हरिबहादुर चुमानले उद्घाटन गरेका थिए । उक्त कार्यक्रममा केन्द्रीय सदस्य तथा तनहुँ इन्चार्ज आशा कोईराला, केन्द्रीय सल्लाहाकार इन्द्रबहादुर अधिकारी, जिल्ला संयोजक मदन आले, गन्डकी प्रदेशका उपसचिव अतिन्द्र केशरी न्यौपाने लगायतले मन्तव्य राखेका थिए ।
यसैगरि माओवादी केन्द्र ऋषिङ गाउँ कमिटिको दोश्रो अधिवशेन तथा खबरदारी सभा आज वडा नम्बर १ को झापुटारमा हुने भएको छ । उक्त खबरदारी सभा तथा अधिवेशनको नेकपा माओवादी केन्द्रका उपमहासचिव तथा पुर्व मन्त्री वर्षमान पुनले उद्घाटन गर्ने कार्यक्रम रहेको माओवादी केन्द्रका जिल्ला संयोजक मदन आलेले जानकारी दिए ।
त्यसैगरि आबुँखैरेनी गाउँ कमिटिको दोश्रो अधिवशेन तथा खबरदारी सभाको मंगलबार उपमहासचिव तथा पुर्व मन्त्री वर्षमान पुनले उद्घाटन गर्ने कार्यक्रम रहेको जनाईएको छ ।
