तनहुँ । कार्तिक २३
भारतको पन्जावमा सम्पन्न भएको चौंथो इन्ट्रनेशनल कराँते प्रतियोगितामा तनहुँ देवघाटकी मनिषा गुरुङ प्रथम भएकी छिन् । उक्त प्रतियोगितामा नेपालको तर्फबाट सहभागी भएकी देवघाटकी मनिषा एकल काता तर्फ प्रथम भएकी हुन् ।
उक्त प्रतियोगितामा १२ जना प्रतियोगितामा सहभागी भएका थिए । सो प्रतियोगितामा भारतबाट तिन जना, नेपालबाट ६ जना र श्रीलङ्का र बंगलादेशका खेलाडीहरु पनि सहभागि थिए ।
मनिषाका कराँते प्रशिक्षक रुद्र बहादुर गुरुङले पछिल्लो समयमा मनिषाले देवघाटको नाम राष्ट्रिय तथा अन्तर्राष्ट्रिय क्षेत्रमा पहिचान गर्दै आएको बताए । मनिषालाई स्थानिय सरकारबाट आर्थिक सहयोग गर्न सके अझ धेरै प्रगति गर्न सक्ने प्रशिक्षक रुद्र बहादुर गुरुङले बताए ।
उक्त कराते प्रतियोगितामा आवत जावतको खर्च केही रकम मनिषा आफैले खर्च गरेकी थिइन् भने बाँकी खर्च प्रशिक्षक गुरुङले गरेका थिए ।
