तनहुँ । कार्तिक २७
मोटरसाईकल दुर्घटनामा तनहुँमा विहिबार एक जनाको मृत्यु भएको छ । मृत्यु हुनेमा व्यास नपा–१ भादगाउँका १९ बर्षीय जगत बाचे मगर रहेका छन् ।
व्यास नपा–१२ घाँसिकुवा स्थित पृथ्वी राजमार्ग सडक–खण्डमा दमौलीबाट डुम्रे तर्फ जादै गरेको ग २३ प ९५४२ नम्बरको मोटरसाईकल चालकले नियन्त्रण गुमाई दुर्घटना हुँदा गम्भिर घाइते भएका बाचे मगरको उपचारको क्रममा प्रदेश अस्पताल दमौलीमा विहिबार साँझ मृत्यु भएको थियो । मोटरसाईकलमा पछाडी बसेका बाचे मगरको दुर्घाटनामा टाउकोमा चोट लागेको थियो ।
उक्त दुर्घटनामा मोटरसाइकल चालक व्यास नपा–१३ बेलवास बस्ने बर्ष २० को निजिन मल्ल घाइते भएका छन् । उनको प्रदेश अस्पताल दमौलीमा उपचार भईरहेको छ ।
हाइस गाडीले ठक्करबाट महिला घाइते
हाइस गाडीले ठक्करबाट शुक्लागण्डकी न.पा–५ बेलचौतारा स्थित पृथ्वीराजमार्गमा विहिबार एक महिला घाइते भएकी छिन् । घाइते हुनेमा शुक्लागण्डकी नपा–३ पौवा घर भएकी पैदल यात्री बर्ष ५४ की धन माया आले रहेकी छिन् ।
दुलेगौडाबाट दमौली तर्फ जादै गरेको गन्डकी एफएए ०११४ नम्बरको हाईस गाडिले आलेलाई ठक्कर दिएको थियो । ठक्करबाट घाइते भएकी आलेको उपचारको लागि जिपी कोईराला राष्ट्रिय श्वास प्रश्वास उपचार केन्द्र झरौटा पठाएकोमा थप उपचारको लागी मणिपाल अस्पताल पोखरा पठाइएको प्रहरीले जनाएको छ । ठक्करदिने हाइसका चालक प्रहरीको नियन्त्रणमा रहेका छन् ।
