तनहुँ । पुस १५
तनहुँ प्रहरीले फरार रहेका दुई जना प्रतिबादीलाई पक्राउ गरेको छ । पक्राउ पर्नेमा अदालतको फैसलापछि हालसम्म फरार रहेका एक जना र जेनजी आन्दोलनको क्रममा गत भदौ २४ गते तनहुँ कारागारबाट भागेका एक जना कैदी रहेका छन् ।
जिल्ला प्रहरी कार्यालय तनहुँ तथा मातहतका प्रहरी कार्यालयबाट खटिई गएको प्रहरी टोलीले चेक अनादरको मुद्धामा फरार रहेका म्याग्दे गाउँपालिका–७ बस्ने होमबहादुर नेपालीलाई पक्राउ गरेको छ । उनलाई जिल्ला अदालत तनहुँको लगत अनुसार ५ सय रुपैयाँ धरौटी तिराई रिहा गरिएको छ ।
त्यसैगरि गत भदौ २४ गते जेन जी समुहको आन्दोलनको क्रममा कारागार तोडफोड गरी भागेका बलात्कार मुद्धाका कैदी बन्दीपुर गाउँपालिका–६ का सोमबहादुर थापालाई पक्राउ गरेको छ । उनलाई कैद भुक्तानीकोलागि जिल्ला कारागार पठाईएको जिल्ला प्रहरी कार्यालयले जनाएको छ ।
