तनहुँ । पुस २४
तनहुँ उद्योग वाणिज्य संघ बन्दीपुर बजार इकाईको सभापतीमा बुद्धिकुमार श्रेष्ठ निर्वाचित भएका छन् । विहिबार सम्पन्न इकाईको ३० औँ साधारण सभा तथा १३ औँ अधिवेशनबाट श्रेष्ठको नेतृत्वमा नयाँ कार्यसमिति सर्वसम्मत चयन गरिएको छ ।
अधिवेशनबाट उपसभापतिमा सरस्वती श्रेष्ठ र कोषाध्यक्षमा हितमान गुरुङ तथा सदस्यहरूमा राजन श्रेष्ठ, इन्जिनियर तारा भट्टराई, लक्ष्मी श्रेष्ठ र रामबहादुर बिक निर्विरोध चयन भएका छन् ।
सभापती घनश्याम उपाध्यायको अध्यक्षतामा आयोजित १३ औं अधिवेशनको कार्यक्रममा बन्दीपुर गाउँपालिकाकी उपाध्यक्ष पञ्चमाया गुरुङ, निर्वाचन संयोजक एवं तनहुँ उद्योग वाणिज्य संघका सह–कोषाध्यक्ष प्रकाशचन्द्र हडखले, बन्दीपुर बजार इकाइका पुर्व सभापती वैशबहादुर गुरुङ, पूर्व सभापति कृष्ण पिया तनहुँ उद्योग वाणिज्य संघ महिला उद्यमी सभापती संगीता प्रधान, बन्दीपुर होटल संघका अध्यक्ष फुलमती थापा लगायतको उपस्थिति रहेको थियो ।
