तनहुँ । फागुन २१
तनहुँमा सय वर्ष माथिका जेष्ठ नागरिकले पनि मतदान गरेका छन् । शुक्लागन्डकी नपा–३ बनकेवाका १०७ वर्षीय ज्येष्ठ नागरिक गणेशबहादुर रावतले सोही वडाको निर्मल आधारभूत प्राथमिक विद्यालय, बन्केवा मतदान केन्द्रबाट रावतले मतदान गरेका थिए ।
यस्तै व्यास नपा–६ स्थित महेन्द्रज्योती मावि मतदान केन्द्र शिसाघाट बाट १०६ बर्षीया साबित्रा रिजाल उक्त मतदान केन्द्रमा पहिलो मतदाताको रुपमा मतदान गरेकी थिइन् ।
त्यसैगरि देवघाट गाउँपालिका वडा नम्बर २ की १०२ वर्षीया होलीमाया मल्लले सोही वडाको कालीगंगामावि मतदान केन्द्रबाट मतदान गरेकी थिइन् । मतदानपछि जेष्ठ नागरिकहरुले आफ्नो मताधिकार प्रयोग गर्न पाउँदा खुशी लागेको प्रतिक्रिया दिए ।
