तनहुँ । फागुन २१
तनहुँमा सात जना उम्मेदवारले आफैलाई मत दिन पाएनन् । क्षेत्र नम्बर १ का पाँच जना तथा २ का २ जना उम्मेदवारले आफुैलाई मत दिन पाएनन् ।
क्षेत्र नम्बर १ का राष्ट्रिय स्वतन्त्र पार्टीका स्वर्णिम वाग्ले, राप्रपाका रामदत्त जोशी, नेमकिपाकी रामलक्ष्मी दुवाल, मंगोल नेशनल अर्गनाईजेशनका प्रेमबहादुर थापा र नेपाल जनमुक्ती पार्टीका यामबहदाुर आले तथा क्षेत्र नम्बर २ का नेपाली काँग्रेसका शंकर भण्डारी र राष्ट्रिय स्वतन्त्र पार्टीका श्रीराम न्यौपानेले पनि आफुलाई मत दिन पाएनन् ।
क्षेत्र नम्बर १ का उम्मेदवारहरु मध्ये नेकपा एमालेकी भगवती न्यौपानेले भानु नपा ८ को निर्जला मावि मतदान केन्द्रबाट, नेपाली काँग्रेसका गोविन्द भट्टराईले व्यास नपा ११ को बेलटारी मतदान केन्द्रबाट, नेपाली कम्युनिष्ट पार्टीका विद्या ढकालले भानु नपा ४ को भानु संस्कृत मावि मतदान केन्द्रबाट, उज्यालो नेपाल पार्टीका मन्जिल रानाले व्यास नपा ४ को मदरसा आधारभुत विद्यालय मतदान केन्द्रबाट तथा नेकपा माओवादीका ओमविक्रम पन्तले व्यास नपा १ को जलदेवी मावि मतदान केन्द्रबाट मतदान गरेका थिए ।
त्यसैगरि क्षेत्र नम्बर २ का नेकपा एमालेका केदार सिग्देलले भिमाद नपा १ को पृथ्वीमावि मतदान केन्द्रबाट, नेपाली कम्युनिष्ट पार्टीका सोमबहादुर थापाले म्याग्दे गाउँपालिका १ को महेन्द्र मावि मतदान केन्द्रबाट, राप्रपाका यामबहादुर ठकुरीले शुक्लागन्डकी नपा ८ को गाउँफर्काेदय मावि मतदान केन्द्रबाट मतदान गरेका थिए ।
