तनहुँ । फागुन २३
तनहुँ क्षेत्र नम्बर १ का स्वतन्त्र उम्मेदवार दिपकराज जोशीले चुनाव परिचालनकोलागि ५०१ सदस्यिय निर्वाचन परिचालन समिति गठन गरेका थिए । तर चुनावमा उनको मत भने ११३ मात्रै आयो । नेपाली काँग्रेसका पूर्व सहमहामन्त्री गोविन्दराज जोशी समूहबाट उनले स्वतन्त्र उम्मेदवारी दिएका थिए ।
उनका वुवा गोविन्दराज जोशीले २०७९ को निर्वाचनमा तेश्रो स्थानमा रहँदै ६८८६ मत पाएका थिए । तर यसपटक दिपकले भने ११३ मत मात्रै पाए । उनको मत संख्या हेर्दा उनको चुनाव प्रचार समितिमा रहेर प्रचारमा हिडेकाहरुले नै उनलाई भोट हालेनन् । यो निर्वाचनपछि अब तनहुँको राजनीतिमा गोविन्दराज जोशीको राजनीतिक विरासत करिब अन्तय भएको छ ।
