तनहुँ । फागुन २५
प्रतिनिधि सभाको निर्वाचनमा तनहुँको क्षेत्र नम्बर १ मा राष्ट्रिय स्वतन्त्र पार्टीको लहर आउँदा कुनै समय जित निकालेको नेकपा एमालेको उम्मेदवारको जमानत जफत भएको छ ।
६८ हजार १४९ मत खसी ६५ हजार ४१९ मत सदर भएको तनहुँ क्षेत्र नम्बर १ मा रास्वपाका उम्मेदवार स्वर्णिम वाग्लेले ३८ हजार ४० मत ल्याएर बिजयी हुँदा नेकपा एमालेका उम्मेदवार भगवती न्यौपानेले ५ हजार ८३० मत पाइन् । एमालेकी प्रभावशाली नेतृ तथा पुर्व मन्त्री समेत रहेकी न्यौपानेले कुल सदरमतको १० प्रतिशत पनि ल्याउन नसकेपछि उनको जमानत जफत भयो ।
तनहुँ क्षेत्र नम्बर १ मा एमालेले २०७४ सालमा अत्याधिक मत ल्याएर बिजयी भएको थियो । क्षेत्र नम्बर १ मा जमानत जफत हुने स्थिती आएकोमा नेकपा एमालेका नेता तथा कार्यकर्ताहरुले चिन्ता व्यक्त गरेका छन् । तनहुँ १ मा काँग्रेस बाहेकका अन्य सबै उम्मेदवारको जमानत जफत भएको छ ।
यता तनहुँ क्षेत्र नम्बर २ मा भने काँग्रेस र एमालेले मात्र जमानत जोगाएका छन् ।
