तनहुँ । फागुन ३०
शुक्लागन्डकी नगरपालिका भित्र क्रियाशिल साहित्यकारहरुको साझा थलो शुक्ला साहित्य संगमको अध्यक्षमा जुनु खड्का निर्वाचित भएकी छिन् । संगमको शुक्लागण्डकी नगरपालिका वडा नम्बर ४ को सभाहलमा शनिबार सम्पन्न भएको २३ औं साधारण सभा तथा ९ औं अधिवेशनले खड्काको अध्यक्षतामा १५ सदस्यीय नयाँ कार्यसमिति सर्वसम्मत चयन गरेको छ ।
समितिको वरिष्ठ उपाध्यक्षमा सरस्वती सिग्देल (लक्ष्मी) र उपाध्यक्षमा युवराज पौडेल, सचिवमा याम प्रसाद सापकोटा, सह–सचिवमा विष्णु पराजुली र कोषाध्यक्षमा कल्पना गैह्रे सुवेदी निर्विरोध निर्वाचित भएका छन् । त्यस्तै कार्यसमितिको सदस्यहरूमा उदित पोख्रेल, यदुनाथ शर्मा पौडेल, उर्मिला थापा, दुर्गा बहादुर नेपाली, ज्योति लामिछाने पौडेल, विनिता परियार, तुलाराम गुरुङ, गोविन्द केसी र विष्णु थापा रहेका छन् ।
