देवघाट । बैशाख २
नेपाल संस्कृत विश्व विद्यालयले विश्वविद्यालयको कार्यकारी परिषद् सदस्यमा प्रा.डा.गुरुप्रसाद सुवेदलाई र प्राज्ञिक सभा सदस्यमा देवघाट स्थित परमानन्द संस्कृत गुरुकुलका प्राचार्य सच्चिदानन्द सरस्वतीलाई मनोनित गरेको छ । नेपाल संस्कृत विश्व विद्यालयले हालै सुवेदी र सच्चिदानन्द सरस्वती लाई क्रमशः कार्यकारी परिषद र प्राज्ञिक सभामा मनोनित गरेको हो ।
प्रा.डा.सुवेदी देवघाट स्थित महेश संस्कृत गुरुकुल सहित नेपाल संस्कृत विश्व विद्यालयका विभिन्न क्याम्पसमा अध्यापन गराउँदै आएका छन् । त्यस्तै सच्चिदानन्द सरस्वती लामो सयमदेखी देवघाट स्थित परमानन्द संस्कृत विद्यापिठमा प्राचार्य रहँदै आएका छन् ।
नेपाल संस्कृत विश्व विद्यालयको कार्यकारी परिषद तथा प्राज्ञिक सभामा यस अघि राजनीतिक भागबन्डाको आधारमा नियुक्ती हुँदै आएकोमा यसपटक भने प्राध्यापन क्षेत्रबाट नियुक्ती गरिएको हो ।
