तनहुँ । जेठ १२
नेपाल मगर संघको केन्द्रीय उमहासचिवमा तनहुँका शिद्धान्त गर्जामगर निर्वाचित भएका छन् । काठमाडौंमा सम्पन्न नेपाल मगर संघ केन्द्रीय समितिको १३ औँ महाधिवेशनबाट तनहुँका सिद्धान्त उपमहासचिव पदमा निर्वाचित भएका हुन् ।
निर्वाचित भएपछि सिद्धान्तले प्रतिकूल वातावरण र तीव्र प्रतिस्पर्धाका बीच पनि आफूलाई पवित्र मनले अमूल्य मत दिएर विजयी गराउने सम्पूर्ण प्रतिनिधि तथा मतदाताहरूप्रति सर्वोच्च सम्मान र आभार प्रकट गरे । उनले मगर समुदायको साझा हित, अधिकार र संस्थाको गरिमालाई अझ उच्च बनाउन आफू सधैँ प्रतिबद्ध रहने बताए ।
सिद्धान्त लामो समयदेखी मगर समुदायको हक हित सँगै समग्र आदिवासी जनजातीको हकहितमा लागि रहेका छन् । उनी मगर संघ तनहुँ र मगर संघ गण्डकी प्रदेशको अध्यक्ष समेत भईसकेका छन् । उनी हाल नेपाल आदिवासी जनजाती महासंघ जिल्ला समन्वय परिषदको बरिष्ठ उपाध्यक्षको रुपमा कार्यरत छन् ।
