देवघाट । जेठ १२
नेपालको धार्मिक यात्रामा आएका भारतको शारदापीठका पीठाधिश्वर जगतगुरु शंकराचार्य श्री बिधुशेखर भारती देवघाट आउने भएका छन् ।
दक्षिण एसियाकै प्रतितिष्ठत आध्यात्मिक व्यक्तित्व मध्येका एक मानिने जगतगुरु शंकराचार्य यही जेठ १४ गते देवघाट आउने भएका हुन् । देवघाटमा उनको स्वागतकोलागि भव्य तयारी गरिएको छ । शंकराचार्यले देवघाट स्थित हरिहर आश्रममा आयोजित कार्यक्रममा प्रवचन दिने भएका छन् ।
जेठ ८ गतेदेखी १५ गतेसम्म नेपालको धार्मिक विजययात्रामा आएका शंकराचार्यको देवघाट भ्रमण पछि देवघाटमा भारतीय पर्यटकहरुको संख्यामा बृद्धि हुने र त्यसले देवघाटधामको धार्मिक पर्यटनमा ठुलो टेवा पुग्ने विश्वास गरिएको छ ।
शंकराचार्य नेपाल भ्रमणको क्रममा काठमाडौ ओर्लिदा उनलाई स्वागत गर्न देवघाटका विभिन्न आश्रमका पिठाधिशहरु त्रिभुवन विमानस्थलमा गएका थिए ।
