तनहुँ । असार ८
बिहानीको समयमा बढ्दै गइरहेको दुर्घटनालाई मध्यनजर गर्दै जिल्ला प्रहरी कार्यालय तनहुँ र जिल्ला ट्राफिक प्रहरी कार्यालय तनहुँले सोमबार बिहान ४ बजेटबाट चालक सचेतना कार्यक्रम सन्चालन गरेको छ ।
बिहान ४ बजेबाट पोखरा–मुग्लिङ सडक खण्डमा चालक सचेतना कार्यक्रमलाई सोमबार पनि निरन्तरता दिइएको जिल्ला प्रहरी कार्यालय तनहुँले जनाएको छ । उक्त अवसरमा चालकलाई सडकको अवस्था, लेन अनुशासन, ट्राफिक नियमको पालना सम्बन्धि सम्झाई बुझाई गरिएको थियो ।
सचेतना कार्यक्रममा दुई पाङग्रे सवारी साधन तर्फ ५७ वटा, ४ पाङग्रे साना सवारी साधन तर्फ ४४ वटा र ठुला सवारी साधन तर्फ ७३ वटा सवारी साधनका चालकलाई सचेतना दिईएको थियो ।
यस्तै जिल्ला प्रहरी कार्यालय तनहुँ तथा मातहत प्रहरी ईकाईबाट खटिएको प्रहरी टोलीले लागुऔषध नियन्त्रण, अबैध मदिरा, शान्तिसुरक्षा, फरार पक्राउ, चोरी नियन्त्रण, प्राकृतिक स्रोत साधनको अनधिकृत प्रयोग नियन्त्रण लगायतको लागि गरिएको सर्च एण्ड स्विप अपरेसन कारबाहीमा ९ जना शंकास्पद व्यक्तिहरू नियन्त्रणमा लिइएकोमा आबस्यक अनुसन्धान पश्चात आफन्तको जिम्मा लगाई छाडिएको प्रहरीले जनाएको छ ।
