तनहुँ । साउन २१
गत साउन ६ गते राति तनहुँको भिमाद नगरपालिका–६ क्याम्पसरोडबाट चोरी भएको मोटरसाइकल फेला पारी ट्राफिक प्रहरीले सम्बन्धित धनीलाई हस्तान्तरण गरेको छ ।
भिमादबाट चोरी भएको ग १३ प ८३६० नम्बरको पल्सर मोटरसाइकल आँबुखैरेनी ट्राफिक प्रहरी कार्यालयको टोलीले फेला पारेको हो । आवश्यक कानुनी प्रक्रिया पूरा गरी ट्राफिक प्रहरीले उक्त मोटरसाइकलका धनी सूर्यकुमार श्रेष्ठलाई जिम्मा लगाएको छ ।
चोरीको सूचना पाएलगत्तै खोजीमा खटिएको आँबुखैरेनी ट्राफिक प्रहरी टोलीले मोटरसाइकल फेला पारेको हो । चोरी भएको आफ्नो मोटरसाइकल खोजी गरी सहज रुपमा फिर्ता गराएको भन्दै सवारीधनी श्रेष्ठले आँबुखैरेनी ट्राफिक प्रहरी कार्यालय र खटिने प्रहरी टोलीप्रति आभार व्यक्त गरेका छन् ।
