तनहुँ । साउन २२
जिल्ला प्रशासन कार्यालय, तनहुँले सेवाग्राहीको बढ्दो चापलाई ध्यानमा राख्दै बिदाका दिनमा पनि राष्ट्रिय परिचयपत्र सम्बन्धी सेवा सञ्चालन गर्ने भएको छ ।
कार्यालयद्वारा प्रकाशित सूचना अनुसार, सेवाग्राहीको सुविधा र सहजीकरणका लागि सार्वजनिक बिदाका दिनमा समेत सेवा खुला राख्ने निर्णय गरिएको हो ।
प्रशासनले २०८३ साल साउन २३ गते शनिबार र साउन २४ गते आइतबार बिहान ९ः०० बजेदेखि अपराह्न ५ः०० बजेसम्म राष्ट्रिय परिचयपत्रको सेवा सन्चालन गर्ने भएको छ ।
सेवा लिन आउने सेवाग्राहीले तोकिएको मितिमा कार्यालयबाट टोकन लिएर आफ्नो पालो अनुसार सेवा लिन सक्नेछन् । राष्ट्रिय परिचयपत्र बनाउने सेवाग्राहीको भिड र चापलाई व्यवस्थापन गरी सर्वसाधारणलाई सहज ढङ्गले सेवा प्रदान गर्न यो व्यवस्था मिलाइएको प्रशासनले जनाएको छ ।
