दमौली, जेठ २५
यसवर्ष चर्को खडेरीले मकैको बोट सुक्न थालेको छ । लगातारको खडेरीले जिल्लाका विभिन्न भागमा लगाईएको मकैमा ठुलो असर परेको छ ।
प्रमुख खाद्य बालीको रुपमा रहेको मकैलाई खडेरीले असर गरेपछि यसवर्ष मकैको उत्पादन घट्ने भएको छ । कृषि ज्ञान केन्द्र तनहुँका प्रमुख कुलप्रसाद तिवारीले जिल्लाका प्राय सबै भागमा चर्को घाम र खडेरीले मकैमा ठुलो असर गरेको बताए । खडेरीका कारण यसवर्ष मकै उत्पादनमा ६० प्रतिशतसम्म कमी आउने प्रमुख तिवारीले अनुमान गरेका छन् ।
सिंचाइको कमीका कारणले पनि खडेरीबाट मकैलाई जोगाउन निसकिएको कृषकहरुको भनाई छ । स्थानीय तहले खडेरीको असरको मुल्यांकन गरि पीडित कृषकहरुलाई राहत दिनुपर्ने माग सरोकारवालाहरुले गरेका छन् ।
