दमौली, असार ६
आँबुखैरेनी गाउँपालिका–२ एक्लेफाँटमा बुधबार ट्रकमा मोटरसाइकल ठोकिँदा मोटरसाइकलमा सवार एक जनाको मृत्यु भएको छ । दुर्घटनामा मोटरसाइकलमा पछाडी बस्ने लमजुङ्ग जिल्ला सुन्दर बजार नगरपालिका–९ बस्ने बर्ष ५८ का चन्द्रबहादुर गुरुङ्गको घट्नास्थलमै मृत्यु भएको हो ।
पृथ्वीराजमार्ग सडक अन्र्तगत मुग्लिनबाट लमजुङ्गतर्फ जाँदै गरेको ना ६ ख ३०१६ नम्बरको ट्रकलाई बा ७० प ९४७४ नम्बरको मोटरसाइकलले पछाडिबाट ओभरटेक गर्ने क्रममा ट्रकमा ठोकिन जाँदा उक्त दुर्घटना भएको प्रहरीले जनाएको छ ।
सो घटनामा मोटरसाइकल चालक आँबुखैरेनी गाउँपालिका–२ मार्कीचोक घरभई हाल काठमाण्डौं बुढानिलकण्ठ नगरपालिका–३ बस्ने बर्ष ५५ का राजु गुरुङ्ग घाइते भएका छन् । उनको दायाँ खुट्टा र हातमा चोट अवस्था मध्यम आँबुखैरेनी अस्पतालमा उपचार भैरहेको र खतरामुक्त रहेको तनहुँका प्रहरी नायव उपरीक्षक मोहनबहादुर खाँणले जानकारी दिए ।
उक्त ट्रक र ट्रकका चालक आवुँखैरेनी प्रहरीको नियन्त्रणमा रहेको छ ।
