दमौली, असार २८
गैरआवासीय नेपालि संघ, राष्ट्रिय समन्वय परिषद (एनआरएनए एनसिसि) कतारको २०२३–२०२५ कार्यकालको अध्यक्षको लागि तनहुँका पदम गिरीले उम्मेदबारी घोषणा गरेका छन् । तनहुँको ऋषिङ गाउँपालिका–५ रुपटार निवासी गिरीले एनआरएनए एनसिसि कतारको आगामी निर्वाचनकोलागि अध्यक्षमा उम्मेदबारी घोषणा गरेका हुन् ।
बिगत १४ वर्ष देखि कतारमा बस्दै आएका गिरी सुरुदेखी नै गैरआवासीय नेपाली संघको अभियानमा विभिन्न पदमा रहेर काम गर्दै आएका छन् । उनी गैरआवासीय नेपाली संघ राष्ट्रीय समन्वय परिषद कतारको २०१९–२०२१ र २०२१–२०२३ दुई कार्यकाल महासचिव समेत रहेका थिए ।
बिगतमा एनसीसीद्वारा घोषित कार्यक्रमहरुमा बाँकी रहेका कामहरुको निरन्तरता र एनसीसी कतारको हरेक गतिबिधीहरुलाई श्रमिक मजदुरहरुको पक्षमा अधिकतम श्रम मैत्री बनाउन कोसिस गरेको र त्यसलाई अझ सशक्त र प्रभाबकारी बनाउने आफ्नो प्रतिबद्धता रहेको गिरीले बताए । विगतका वर्षहरुदेखि नै घोषित नेपाली सांस्कृतिक केन्द्र स्थापना गर्ने कार्यका लागि पहल भैरहेको र उक्त कार्य सम्पन्न गर्नका लागि आफुले यथासम्भब प्रयास गर्ने उनले बताए ।
नेपालीहरु कतार आउँदा कतारको भाषा, धर्म, सस्कृति र भौगलिक अवस्थाका वारेमा त्यति जानकारी नहुँदा समस्यामा पर्ने हुदा सोको न्युनिकरणका लागि चेतनामुलक कार्यक्रमको आयोजना गरिने, नेपालमा पर्यटन प्रर्बद्धनकालागि अधिकतम पहल गरीरहेको र आगामी दिनहरुमा अझ प्रभावकारी र परिणममुखी वनाउनका लागि पहल गर्ने, विगतमा जस्तै नेपाली नियोगसँग सहकार्य गर्दै नेपाली समुदायमा आइपरेका समस्याहरु र नेपाली श्रमिकहरुको हकहित तथा समस्या समाधानका लागि अधिकतम पहल गर्ने गिरीले प्रतिबद्धता व्यक्त गरेका छन् ।
साथै कतार सरकारको सम्वन्धित निकाय, नेपाली नियोग र कतारमा स्थापित संघसंस्थाहरु सँगको सहकार्यमा विगतमा जस्तै नेपाली श्रमिकहरुका लागि चेतनामुलक कार्यक्रमहरु अझ प्रभाबकारी र ससक्त रुपमा सन्चालन गर्ने, एनसीसी कतारद्वारा गरिने कार्यक्रमहरुमा कतारमा स्थापित नेपालि संघसंस्थाहरुसंग बिगतमा झैँ सहकार्य र सहभागिताका लागि थप प्रभाबकारी भूमिका निर्बाह गर्ने कतारमा श्रम गरिरहेका नेपाली श्रमिकहरुलाई सामाजिक सुरक्षाका बारेमा सचेतनामुलक कार्यक्रमद्वारा आबद्धता गराउन पहल गर्ने उनले प्रतिबद्धता जनाएका छन् । यी कामहरु पुरा गर्न आफुले अध्यक्ष पदमा उम्मेद्ववारी दिएको भन्दै उनले सबैको साथ, सहयोग र समर्थनको लागि अपिल गरेका छन् ।
