दमौली, कार्तिक १८
नेकपा एमाले जिल्ला कमिटि तनहुँले विभिन्न चाडपर्वको अवसरमा यही कार्तिक २४ गते दमौलीमा चियापान तथा शुभकामना कार्यक्रमको आयोजना गर्ने भएको छ ।
नेपालीहरुको मुख्य पर्वहरु बडादशै, तिहार, नेपाल सम्बत र छठ पर्वको अवसरमा एक आपसमा शुभकामना आदान प्रदान गर्न तथा सद्भाव कायम गर्ने उद्देश्यले कार्यक्रमको आयोजना गरिएको एमाले तनहुँका उपसचिव तथा प्रचार विभागका प्रमुख प्रदिपराज अधिकारीले बताए ।
सो कार्यक्रममा एमालेका पदाधिकारीह तहका नेताहरुको उपस्थिती रहने अधिकारीले बताए । सो अवसरमा हालै सम्पन्न एमाले गन्डकी प्रदेशको अधिवेशनबाट निर्वाचित हुने पदाधिकारी र तनहुँबाट निर्वाचित हुने प्रदेश कमिटिका सदस्यहरुलाई सम्मान समेत गरिने भएको छ ।
