देवघाट, कार्तिक १८
देबघाट गाउँपालिकाद्वारा वडा नम्बर ४ का पुर्ण अपाङ्ग र अति अशक्त भएका ब्यक्तिहरुका लागि लत्ताकपडा तथा सामाग्री बितरण गरिएको छ।
गाउँपालिकाका अध्यक्ष तिलबहादुर थापा, उपाध्यक्ष भुवनसिंह गुरुङ, प्रमुख प्रशासकीय अधिकृत गौरीप्रसाद आचार्य र वडा अध्यक्ष मित्रलाल गुरुङले शनिबार वडा कार्यालयमा आयोजित कार्यक्रममा वडाका पुर्ण र अति अशक्त अपाङ्गता भएका व्यक्तिहरुलाई लत्ताकपडा र सहायक सामाग्री वितरण गरेका थिए ।
देबघाट गाउँपालिकाले ५ वटै वडामा अपांग भएका ब्यक्तिहरुलाई लत्ताकपडा बितरण गर्ने कार्यक्रम राखेकोमा शनिबार वडा नं ४ का अपांगता भएका व्यक्तिलाई ती सामाग्री बितरण गरिएको हो ।
गाउँपालिकाले अपाङ्गता भएका ब्यक्तिहरुलाई जाडोको लागि ब्लाङ्केट , तन्ना, साबुन र हर्लिक्स उपलब्ध गराइएको थियो ।
