दमौली, मंसिर ११
व्यास नपा १४ रुम्सी घर भई हाल बेलायत बस्दै आएका भुपु बेलायती सेना रुकबहादुर आलेले केशवटार माविमा पाँच लाखको अक्षयकोष स्थापना गरेका छन् ।
केशवटार माविका पुर्व विद्यार्थी समेत आलेले पत्नि सहित सोमबार विद्यालयमा पुगेर विद्यालयका प्रअ मनबिर रानालाई अक्षयकोष स्थापनाकोलागि सो रकम हस्तान्तरण गरेका थिए । आफुले अध्ययन गरेको विद्यालय र विद्यार्थीहरुको सर्वाङ्गिण विकासका लागि अक्षयकोष स्थापना गर्न पाउँदा निकै खुसी लागेको आलेले बताए ।
अक्षयकोष स्थापना गरेकोमा आले दम्पत्तीलाई विद्यालयको तर्फबाट धन्यवाद दिईएको प्रअ रानाले बताए । सो अवसरमा विद्यालयका पुर्व प्रअ तथा हाल व्यास नपा १४ का जनप्रतिनिधि दुर्गबहादुर आलेले उक्त अक्षयकोषबाट विद्यालयको शैक्षिक विकासमा सहयोग पुग्ने बताए । अक्षयकोष स्थापना गर्ने आले केशवटार माविबाट एसएलसी उत्तिर्ण गर्ने पहिलो विद्यार्थी हुन् ।
