दमौली, पुस ४
तनहुँमा अबैध लागु औषध एक व्यक्ति पक्राउ परेका छन् । पक्राउ पर्नेमा चितवन रत्ननगर नगरपालिका वडा नम्बर ३ बस्ने ३६ बर्षिय कृष्णबहादुर लोप्चन रहेका छन् ।
मंगलबार आँबुखैरेनी गाउँपालिका–४ बेनिटार स्थित पृथ्वी राजमार्ग सडक खण्डमा सवारी साधनहरु चेकजाँच गर्ने क्रममा सिन्धुलीबाट पोखरा तर्फ जान आउदै गरेको ग १ ख ६३४१ नम्बरको बस रोकी चेकजाँच गर्दा उक्त बसमा सवार लोप्चनले लुकाई ल्याएको अबैध लागु औषध डाइजेपाम लेखेको सिसी ६५ एम्पुल, फेनेग्रान लेखेको सिसी ६५ एम्पुल र नोफिन लेखेको सिसी ६५ एम्पुल गरी जम्मा १९५ एम्पुल लागु औषध फेला पारी बरामद भएको जिल्ला प्रहरी कार्यालयले जनाएको छ ।
उक्त लागु औषध सहित निज लोप्चनलाई पक्राउ गरी तनहुँ जिल्ला अदालतबाट मिति बुधबार सात दिनको म्याद थप अनुमती लिई थप अनुसन्धान भईरहेको जिल्ला प्रहरी कार्यालयका डिएसपी मोहनबहादुर खाँडले जानकारी दिए ।
