देवघाट, पुस २४
चितवनको भरतपुरको आँपटारीचोकदेखि पवित्र धार्मिस्थल देवघाटसम्म जाने सडकको दायाँ–बायाँका रुख र पोलमा रङ रोगन गरिएको छ । सशस्त्र प्रहरी बल आँपटारीले उक्त सडकको दायाँ वायाँका रुख र बिजुलीको पोलमा रङ रोगन गरेको हो ।
रङ रोगनका लागि आवश्यक ९ सय लिटर सेतो र रातो रङ भरतपुर महानगरपालिकाले सशस्त्र प्रहरी बल आँपटारीलाई उपलब्ध गराएको थियो । रङ खरिदका लागि ५ लाख ९९ हजार ४ सय खर्च भएको महानगरले जनाएको छ ।
भरतपुर महानगरपालिकाले दिएको रङलाई सशस्त्र प्रहरीले सामाजिक उतरदायित्व अन्तर्गत लगाएको सशस्त्र प्रहरी बल आँपटारीका प्रमुख शशी पाण्डेले बताए । करिब एक महिनाभित्र यो सडकमा रङ लगाउने काम सकिने जनाईएको छ ।
