दमौली, माघ ४
आगामी माघ ११ गते हुने राष्ट्रिय सभाको निर्वाचन अन्तर्गत गन्डकी प्रदेशका सत्तापक्षका उम्मेदबारहरुले विहिबार तनहुँका मतदातालाई भेट गरेका छन् ।
नेपाली काँग्रेस तनहुँको कार्यालयमा आयोजित कार्यक्रमा सत्तापक्षका उम्मेदबारहरु किरणबाबु श्रेष्ठ, मनरुपा शर्मा र पदम परियारले राष्ट्रिय सभाको निर्वाचनमा आफुहरुलाई मतदान गर्न तनहुँका मतदाता समक्ष अनुरोध गरेका थिए ।
राष्ट्रिय सभाको निर्वाचनमा स्थानीय तहका प्रमुख र उपप्रमुख तथा प्रदेश सभाका सांसदहरु मतदाता रहेका छन् । तनहुँमा स्थानीय तहका प्रमुख र उपप्रमुख गरि २० जना तथा प्रदेश सांसदहरु ४ जना मतदाता रहेका छन् ।
सो कार्यक्रममा सत्ता गठबन्धनका दलहरुबाट निर्वाचित स्थानीय तहका प्रमुख र उपप्रमुख तथा प्रदेश सभाका सांसदहरुको उपस्थिती रहेको थियो ।
