काठमाडौं, माघ २३
सर्वोच्च अदालतले जनयुद्ध दिवसको अवसरमा फागुन १ गते दिईएको बिदा बदर गरेको छ । सर्वाेच्च अदालतले मंगलबार सुचना जारी गरि जनयुद्ध दिवसको बिदा बदर भएको जनाएको हो ।
‘सर्वाेच्च अदालतको संयुक्त इजलासबाट गत पुस १३ गते भएको फैसलाबाट जनयुद्ध दिवसको अवसरमा भनी नेपाल सरकारको मिति २०७९।१०।२९ को निर्णय २०८०।११।१ गते सोही बिदा दिने भन्ने निर्णय तथा नेपाल राजपत्र भाग ५ खन्ड ७२ संख्या ६५ मिति २०७९।१२।२ मा प्रकाशित सुचना एवं सो सन्दर्भमा विभिन्न प्रदेश सरकारबाट भएका निर्णय र सुचनाहरु समेत उत्प्रेषणको आदेशद्वारा मिति २०८०।११।१ गतेको सार्वजानिक बिदा बदर भएको व्यहोरा सम्बन्धित सबैको जानकारीको लागि यो सुचना प्रकाशन गरिएको छ ।’ सर्वाेच्च अदालतद्वारा जारी सुचनामा जनाईएको छ ।
