पाल्पा, फागुन १
पाल्पाको तिनाउ गाउँपालिका ६ चिदिसमा मंगलबार जिप दुर्घटना हुँदा आठ जनाको मृत्यु भएको छ।
डुम्रेबाट तिनाउको चिदिसतर्फ जाँदै गरेको जिप दुर्घटना भएको तिनाउ गाउँपालिका ६ का वडाध्यक्ष टोमबहादुर पुनले जानकारी दिए । दुर्घटनामा १० जना घाइते भएको उनको भनाइ छ।
अहिले उद्धारको कार्य चलिरहेको छ। जिप दुर्घटनाको कारण खुल्न नसकेको जिल्ला प्रहरी कार्यालय पाल्पाका प्रहरी उपरीक्षक हेरम्ब शर्माले बताए ।
उनले भने। “जिप दुर्घटनामा आठ जनाको मृत्यु भएको छ। १० बढी घाइते छन् । उद्धार कार्य जारी छ। उनीहरूलाई उपचारको लागि लुम्बिनी मेडिकल कलेज प्रभासमा लगिँदै छ। दिउँसो ४ः४५ बजे जिप दुर्घटना भएको उनले बताए ।
