देवघाट, फागुन २
चितवन भ्रमणमा रहेका पूर्वराजा ज्ञानेन्द्र शाह र पूर्वरानी कोमल शाह आज बुधबार पवित्र धार्मिक स्थल देवघाटधाम आउने भएका छन् ।
पुर्व राजा शाह कालिगन्डकी र त्रिशुलीको संगम वेणीमा स्नान र पुजाआजाका लागि दिउँसो ३.३० बजे देवघाटधाम आउने कार्यक्रम तय भएको बताईएको छ । चितवनको पटिहानीबाट गाडीमा आपँटारी हुँदै देवघाट आउने पुर्व राजा शाहको परिवार डुङ्गामा त्रिशुली नदी पार गरेर तनहुँ तर्फको वेणी संगममा आइ स्नान गर्ने कार्यक्रम रहेको छ । पुर्व राजपरिवार तथा सुरक्षाकर्मीकोलागि चारवटा डुङ्गाको व्यवस्थापन गरिएको छ ।
कालिगन्डकीमा स्नानपछि पुर्वराजा गलेश्वर आश्रम स्थित स्थित सिद्धेश्वर महादेवको मन्दिरमा दर्शन गर्ने कार्यक्रम रहेको बुझिएको छ । देवघाटमा पुर्व राजालाई राप्रपाका नेता तथा कार्यकर्ताहरुले स्वागत गर्ने भएका छन् ।
पुर्व राजा आईतबार चितवनको भरतपुर आएका थिए । उनी दुई साता चितवनमा रहनेछन् । पूर्वराजाको परिवार पटिहानीस्थित सोल्टी होटलमा बसिरहेको छ ।
