दमौली, फागुन २
नेकपा एमाले व्यास नगरपालिका वडा नम्बर ६ को वडा कमिटिको बैठक तथा प्रशिक्षण कार्यक्रम बुधबार सम्पन्न भयो ।
वडा कमिटिका अध्यक्ष टोपबहादुर परियारको अध्यक्षतामा सम्पन्न सो कार्यक्रममा नेकपा एमाले केन्द्रिय सल्लाहाकार परिषदका सदस्य एकबहादुर राना, जिल्ला कमिटिका उपाध्यक्ष हरिराज कडेंल, पुर्व प्रदेश कमिटिका सदस्यहरु विष्णुभक्त सिग्देल र श्रीराम कार्की, जिल्ला कमिटिका उपसचिव प्रदिपराज अधिकारी, व्यास नगर कमिटिका अध्यक्ष विरेन्द्र अधिकारी, उपाध्यक्ष तुल्सीराम पाण्डे लगायतका नेताहरुले सम्बोधन गरेका थिए ।
सो कार्यक्रममा एकतावद्ध र सशक्त एमाले बनाउन पार्टीको मुल प्रवाह भन्दा बाहिर रहेका सबैलाई पार्टीमा ल्याउने तथा आउन आव्हान गर्ने लगायतका विषयमा जोड दिईएको थियो ।
