दमौली, फागुन १४
नेपाल औषधी व्यवसायी संघ जिल्ला शाखा तनहुँको अध्यक्षमा दयाराज पाण्डे निर्वाचित भएका छन् । संघको सोमबार सम्पन्न पन्ध्रौं साधारण सभा तथा पाँचौं अधिवेशनले पाण्डेको नेतृत्वमा नयाँ कार्यसमिति निर्वाचित गरेको हो ।
संघको बरिष्ठ उपाध्यक्षमा सुन्दर बस्याल, थोक उपाध्यक्षमा विनोद अधिकारी, खुद्रा उपाध्यक्षमा सूर्य बहादुर थापा, महासचिवमा विनय श्रेष्ठ, सचिवमा ऋषिकान्त गिरी, कोषाध्यक्षमा देवीभक्त राना, सह–कोषाध्यक्षमा धर्मदक्त पौडेल लगायत ३ जना सदस्यहरु निर्वाचित भएका छन् ।
शाखाका अध्यक्ष राजु दाहालको अध्यक्षतामा सम्पन्न कार्यक्रमको व्यास नगरपालिकाका प्रमुख बैकुण्ठ न्यौपानेले उद्घाटन गरेका थिए । कार्यक्रममा बोल्दै न्यौपानेले औषधी व्यवसाय जनताको स्वास्थ्यसँग प्रत्यक्ष सरोकार राख्ने क्षेत्र भएको भन्दै यस पेशामा संलग्न व्यक्तिहरु बढी जिम्मेवार र चनाखो हुनुपर्ने बताए ।
कार्यक्रममा प्रमुख जिल्ला अधिकारी जनार्दन गौतम, जिल्ला प्रहरी प्रमुख अपिलराज बोहरा, एनसिडिय गण्डकी प्रदेश अध्यक्ष कृष्ण प्रसाद पाण्डे, तनहुँ उद्योग बाणिज्य संघका अध्यक्ष बैकुण्ठनाथ मिश्र लगायतले शुभकामना मन्तव्य राखेका थिए ।
