दुग्ध उत्पादक किसानहरुद्वारा आन्दोलनका कार्यक्रमहरुको घोषणा

Devghat Online

शेयर गरौ

दमौली, फागुन १४

तनहुँ जिल्ला दुग्ध उत्पादक सहकारी संघ लिमिटेडले दुग्ध उत्पादक किसानको मागहरुको सुनुवाई नभएको भन्दै प्रमुख जिल्ला अधिकारी मार्फत नेपाल सरकारलाई ज्ञापन पत्र बुझाएको छ ।
जिल्ला स्थित विभिन्न सहकारी संस्थाको प्रतिनिधिहरुको संयुक्त टोलीले प्रमुख जिल्ला अधिकारी जनार्दन गौतमलाई ज्ञापन पत्र बुझाएका थिए ।

केन्द्रीय दुग्ध सहकारी संघ लिमिटेडले दुधको भुक्तानी, मिल्क होलिडे, दुध तथा दुग्धजन्य पदार्थको आयात, लागत मूल्य घटाउने जस्ता विषयमा पटक पटक नेपाल सरकारसँग छलफल गरी कार्यान्वयन गर्ने निर्णय गरेता पनि त्यसको कार्यान्वयन नभएकाले आन्दोलनमा जानुपरेको तनहुँ जिल्ला दुग्ध उत्पादक सहकारी संघका अध्यक्ष अम्मर बहादुर कुँवरले बताए ।

दुध जस्तो संवेदनशिल बस्तुमा सरकारको यस प्रकारको वेवास्ताले किसानहरु हतोत्साहित एवं धरासायी बन्दै गएको भन्दै केन्द्रीय दुग्ध सहकारी संघ लि.ले चरणबद्ध आन्दोलनको कार्यक्रमको घोषणा गरेको र सो कार्यक्रमलाई ऐक्यवद्धता जनाउँदै तनहुँमा पनि ज्ञापन पत्र बुझाइएको संघका प्रमुख सल्लाहकार तुलसीराम सापकोटाले बताए ।

संघले निर्धारण गरेको पहिलो चरणको आन्दोलनको कार्यक्रम अन्तर्गत फागुन १४ गते जिल्ला प्रशासन कार्यालयमा धर्ना सहित ज्ञापन पत्र बुझाइएको र फागुन १७ गते ११ बजेबाट १ बजेसम्म दुई घण्टा पृथ्वी राजमार्गमा चक्काजाम गर्ने र २१ गतेबाट केन्द्रीय दुग्ध सहकारीसँग केन्द्रीकृत भई आन्दोलन गर्ने संघका अध्यक्ष कुँवरले बताए ।

प्रतिक्रिया दिनुहोस्

सम्बन्धित समाचारहरू

देवघाटमा जेष्ठ नागरिकलाई न्यानो कपडा वितरण गर्दा अनियमितता भएको ठहर

देवघाट, जेठ ३१ देवघाट गाउँपालिकामा जेष्ठ नागरिकलाई न्यानो कपडा वितरण गर्दा अनियमिता भएको महालेखा परिक्षण

राष्ट्रिय परिचयपत्र दर्तामा भिड गर्नु पर्दैन, ‘भाद्र मसान्तसम्म सामाजिक सुरक्षा भत्ता नविकरण गर्न सकिने’

दमौली, जेठ ३० गृह मन्त्रालय अन्तर्गतको राष्ट्रिय परिचयपत्र तथा पन्जिकरण विभागले भदौ मसान्तसम्म सामाजिक सुरक्षा