दमौली, फागुन १४
म्याग्दे गाउँपालिकाले गरिबी निवारणका लागि लघु उद्यम विकास (मेडपा) कार्यक्रम अन्तर्गत अभिमुखिकरण कार्यक्रम सन्चालन गरेको छ ।
वडा नम्बर १,२ र ७ नम्बर वडाका महिलालाई सीप सिकाउनका लागि सोमबार अभिमुखिकरण कार्यक्रम आयोजना गरिएको हो । म्याग्दे गापा वडा नम्बर २ का वडा अध्यक्ष शिववहादुर रानाभाटको अध्यक्षतामा सम्पन्न सो कार्यक्रममा गाउँपालिकाका अध्यक्ष श्रिप्रसाद श्रेष्ठ, उपाध्यक्ष वालकृष्ण घिमिरे, वडा अध्यक्षहरू मणिभद वाग्ले, वसन्त श्रेष्ठ, अधिकृत प्रदिप न्यौपाने लगायतकाले सीप सिकेर प्रयोग गर्दा आम्दानी हुने धारणा व्यक्त गरे ।
कार्यक्रममा ३३ जना महिलाको सहभागीता रहेको थियो ।
