दमौली, फागुन १६
म्याग्दे गाउँपालिकाको वडा नम्बर ५ को कार्यालयमा स्तनपान कक्ष निर्माण गरिएको छ । वडा कार्यालयमा आउने सेवाग्राही सुत्केरी तथा स्तनपान गर्ने बालबालिकाका स्तनपान गराउन सहज वातावरणकोलागि उक्त कक्ष निर्माण गरिएको वडा अध्यक्ष शिवबहादुर आलेले बताए । उक्त स्तनपान कक्षको निर्माणपछि आमा तथा बालबालिकालाई सहज भएको वडा अध्यक्ष आलेले बताए ।
म्याग्दे गाउँपालिकाले पालिका भित्रका सातवटै वडा कार्यालयमा यसै आर्थिक वर्ष भित्र स्तनपान कक्ष निर्माण गरिसक्ने लक्ष्य लिएको गाउँपालिकाका स्वास्थ्य शाखाका प्रमुख तिलकराज घिमिरले बताए । पहिलोपटक वडा नम्बर ५ मा उक्त कक्ष निर्माण गरिएको भन्दै घिमिरेले अव यसै आर्थिक वर्ष भित्र सबै वडा कार्यालयमा उक्त कक्ष निर्माण गरिसक्ने घिमिरेले बताए ।
यसैगरि जतिसक्दो चाँडै गाउँपालिका भित्रका सबै सामुदायिक विद्यालय, स्वास्थ्य चौकी, बैंक तथा वित्तिय संस्था तथा सबै सरकारी कार्यालयमा स्तनपान कक्ष निर्माण गर्ने घिमिरेले बताए ।
म्याग्दे गाउँपालिकाका अध्यक्ष श्रीप्रसाद श्रेष्ठले गाउँपालिकाको स्वास्थ्यको कार्यक्रम अन्तर्गत सबै वडा कार्यालय तथा सबै सरकारी कार्यालयमा स्तनपान कक्ष निर्माण गर्ने नीति अन्तर्गत वडा नम्बर ५ बाट उक्त कार्यक्रम सुरु भएको बताए ।
