दमौली, फागुन १६
चौथो ऋषिङ अध्यक्ष कप २०८०, अन्तर पालिका खुला पुरूष भलिबल प्रतियोगिता सम्पन्न भएको छ। उक्त प्रतियोगिताको उपाधी बाग्लुंगको गल्कोट नगरपालिकाले हात पारेको छ ।
११ टिमको सहभागिता रहेको सो खेलको फाइनल खेल गलकोट नपा र तनहुँको शुक्लागण्डकी न पा बीच भएको थियो। वेस्ट अफ फाइभमा शुक्लागण्डकी नपा लाई हराउँदै गलकोट न।पा।ले रु १,८७,००० पुरस्कार सहितको उपाधि जितेको छ।
ऋषिङ गाउँपालिका ४, थप्रेकमा सञ्चालन भएको प्रतियोगिताको समापन कार्यक्रमको अध्यक्षता ऋषिङ २ वडा अध्यक्ष एवम खेलकुद समिति संयोजक दल बहादुर थापाले गरेका थिए ।
कार्यक्रममा प्रमुख अतिथिको व्यास नगरपालिका नगर प्रमुख वैकुण्ठ न्यौपाने रहनुभएको थियो । विशिष्ट अतिथि गाउँपालिका अध्यक्ष राजेन्द्र कृष्ण श्रेष्ठ, निवर्तमान जी स स सदस्य निल बहादुर थापा लगाएत विभिन्न व्यक्तिहरुको उपस्थिति रहेको थियो।
