समर रानाभाट, फागुन १७
घिरिङ गाउँपालिकाको सहयोग तथा घिरिङ गाउँपालिका युवा तथा खेलकुँद विकास समितिको आयोजनामा घिरिङमा आगामी फागुन २० र २१ गते ‘सातौं अध्यक्ष कप २०८०’ वडा स्तरीय भलिबल प्रतियोगिता हुने भएको छ ।
उक्त प्रतियोगितामा गाउँपालिकाको पाँच वटै वडाबाट १५ टिमको सहभागी हुने आयोजकले जानकारी दिएको छ । जसमा पुरूष तर्फ एउटा वडा बाट दुई टिम र एक टिम महिला गरि तिन टिम सहभागी हुनेछ भने जनप्रतिनिधि र कर्मचारी बिच पनि मैत्रीपुर्ण खेल हुने आयोजकले जनाएको छ । उक्त प्रतियोगिता घिरिङ गाउँपालिकाको खेलमैदान पोखरीछापमा हुनेछ ।
प्रतियोगिताको बिजेता टिमले नगद ७५ हजार रुपैयाँ सहित ट्रफी, मेडल र प्रमाणपत्र प्राप्त गर्नेछ भने उप बिजेता टिमले नगद ५५ हजार रुपैयाँ सहित ट्रफी, मेडल र प्रमाणपत्र प्राप्त गर्नेछ। त्यस्तै तृतीय टिमले नगद ३५ हजार रुपैयाँसहित ट्रफी, मेडल र प्रमाणपत्र प्राप्त गर्नेछ।
महिला तर्फ प्रतियोगिताको बिजेता टिमले नगद ४५ हजार रुपैयाँ सहित ट्रफी,मेडल र प्रमाणपत्र प्राप्त गर्नेछ भने उप बिजेता टिमले नगद ३५ हजार रुपैयाँ सहित ट्रफी, मेडल र प्रमाणपत्र प्राप्त गर्नेछ। त्यस्तै तृतीय टिमले नगद २५ हजार रुपैयाँ सहित ट्रफी, मेडल र प्रमाणपत्र प्राप्त गर्नेछ।
प्रतियोगिताको बेस्ट प्लेयरले मेडल र प्रमाणपत्र प्राप्त गर्ने साथै बेस्ट सर्भर, बेस्ट ब्लकर,बेस्ट सेटर,बेस्ट स्पाइकर र बेस्ट डिफेन्डरलाई सहित मेडल र प्रमाणपत्र दिइने खेलकुद विकास समितिले जानकारी दिएको छ ।
