दमौली, चैत १९
अभिभावकले अस्विकार गरेपछि घरबाट भागेर आई एक जोडीले सोमबार जिल्ला प्रहरी कार्यालय तनहुँको हातामा प्रहरीको संरक्षणमा अन्तरजातीय विवहा गरेका छन् ।
कपिलवस्तु जिल्लाका २० बर्षिय आशिष सुनार र सोही ठाउँकी २० बर्षिया नविना पौडेलले आफुहरु विच विवहा गर्न अभिभावकले अस्विकार गरेपछि घरबाट भागेर आएको बताउनु भएको छ । उनीहरु केही दिन अघि घरबाट भागेर व्यास नपा–१० मा डेरा गरि बसेका थिए ।
आफुहरुको जात नमिलेकै कारण घर परिवारले विवहाको स्विकृती दिन नमानेपछि भाग्न बाध्य भएको उनीहरुले बताए । उनीहरुले चैत १९ गते जिल्ला प्रहरी कार्यालयमा आई आफ्नो अवस्थाको बारेमा एसपी अपिलराज बोहोरालाई जानकारी गराएका थिए । उनीहरुले विवहा गर्न खोजेको जानकारी गराएपछि उनीहरुको उमेर प्रमाणित गरेर प्रहरी कार्यालयको हातामा विवहा गराईदिएको एसपी बोहोराले बताए ।
अन्तरजातीय विवहालाई परिवारले रोक लगाएको र केटाकेटीको उमेर पनि विवहा गर्न योग्य भएको ठहरिएपछि उनीहरुको इच्छा अनुसार विवहा गर्न अनुमती दिएको एसपी बोहोराले बताए ।
