घिरिङ, चैत २०
जिल्ला आयुर्वेद स्वास्थ्य केन्द्र तनहुँको आयोजनामा मंगलबार घिरिङ गाउँपालिका–३ स्थित घिरिङ स्वास्थ्य चौकीमा जेष्ठ नागरिकको लागि आरोग्य सेवा कार्यक्रम आयोजना गरियो । जेष्ठ नागरिकको लागि लक्षित उक्त कार्यक्रममा जेष्ठ नागरिकहरुलको उच्च रक्तचाप तथा मधुमेह परिक्षण गरि आयुर्वेदिक उपचार पद्धतीको बारेमा जानकारी गराई आयुर्वेदिक औषधी वितरण गरिएको थियो ।
वडा नम्बर ३ का अध्यक्ष तहलसिंह थापाको अध्यक्षतामा सम्पन्न सो कार्यक्रममा प्रमुख अतिथी घिरिङ गाउँपालिकाका अध्यक्ष होमबहादुर थापाले विभिन्न उपचार पद्धती मध्ये आयुर्वेदिक उपचार पद्धती निकै राम्रो रहेको बताए । विशेषगरि जेष्ठ नागरिकहरुले आयुर्वेदिक औषधीको सेवन गर्नुपर्नेमा अध्यक्ष थापाको जोड थियो ।
सो कार्यक्रममा जिल्ला आयुर्वेद स्वास्थ्य केन्द्र तनहुँका प्रमुख डा. नारयण श्रेष्ठ, कार्यालयका बरिष्ठ कविराज शम्भु चापागाई लगायतले जेष्ठ नागरिक आरोग्य सेवा कार्यक्रमको बारेमा जानकारी गराएका थिए । सो कार्यक्रममा ६८ बर्ष माथिका ९० जना जेष्ठ नागरिक सहभागी रहेका थिए ।
यसैगरि जिल्ला आयुर्वेद स्वास्थ्य केन्द्र तनहुँको आयोजनामा सोमबार घिरिङ गाउँपालिकामा नागरिक आरोग्य सेवा कार्यक्रम आयोजना गरियो ।