दमौली, बैशाख १
नयाँ वर्षको पहिलो दिन शनिबार तनहुँको प्रसिद्ध छाब्दी बाराही मन्दिरमा दर्शनकोलागि हजारौं भक्तजन पुगेका छन् । व्यास नपा–१४ स्थित छाब्दीमा रहेको उक्त मन्दिरमा र्दशन र पुजाको लागि शनिबार बिहानैदेखि भक्तजनहरुको बाक्लो भीड लागेको थियो ।
छाब्दी बाराही विकास कोषका अनुसार नयाँ वर्षको पहिलो दिन शनिबार छाब्दी मन्दिरमा करिब २० हजार भक्तजन आएका थिए । कोषका अध्यक्ष थानबहादुर थापा (प्रेम)ले २० हजार भन्दा बढि भक्तजन शनिबार छाब्दी बाराही मन्दिरको दर्शनको लागि आएको बताए ।
भक्तजनको बाक्लो भिड लागेपछि व्यवस्थापनकोलागि प्रहरी र स्वयंसेवकलाई हम्मे हम्मे भएको थियो । विहान ९ बजे मन्दिर पुगेका भक्तजनले दिउँसो २ बजेपछि मात्र पुजाको पालो आएको बताए ।
