देवघाट, मंसिर १९
देवघाट गाउँपालिकाका सामुदायिक वन उपभोक्ता समुहका पदाधिकारी तथा सदस्यहरुलाई क्षमता अभिवृद्धि सम्बन्धि कार्यक्रम आयोजना गरिएको छ ।
सामुदायिक वन उपभोक्ता महासंघ स्थानीय वन महासंघ देवघाटको आयोजना तथा सामुदायिक वन उपभोक्ता महासंघ नेपालको संयोजनमा बुधबार देवघाटका सामुदायिक वन उपभोक्ता समूहहरूको लागि एकदिने क्षमता अभिवृद्धि कार्यक्रम आयोजना गरिएको हो ।
उक्त कार्यक्रमको देवघाट गाउँपालिकाका अध्यक्ष तिल बहादुर थापाले उद्घाटन गरेका थिए । सो कार्यक्रममा गाउँपालिकाका अध्यक्ष थापा, उपाध्यक्ष भुवन सिं गुरूङ, सामुदायिक वन उपभोक्ता महासंघ गण्डकी प्रदेशका सचिव केशवचन्द्र न्यौपाने, वडा नम्बर ५ का अध्यक्ष एवं गाउँपालिकाका प्रवक्ता पूर्णबहादुर कुँवर, वडा नम्बर १ का अध्यक्ष मणिराज गुरूङ, देवघाट सव–डिभिजन वन कार्यालय देवघाटका प्रमुख कृष्णप्रसाद भट्ट लगायतले मन्तव्य राखेका थिए ।
उक्त कार्यक्रममा देवघाटका विभिन्न सामुदायिक वन उपभोक्ता समुहका पदाधिकारी तथा सदस्यहरुको सहभागिता रहेको थियो ।
