देवघाट, मंसिर २२
देवघाट गाउँपालिका–५ स्थित हरिहर बचत तथा ऋण सहकारी संस्थाको नवौं बार्षिक साधारणसभा शनिबार सम्पन्न भएको छ । उक्त साधारणसभाको देवघाट गाउँपालिकाका अध्यक्ष तिलबहादुर थापाले उद्घाटन गरे ।
सो अवसरमा बोल्दै गाउँपालिकाका अध्यक्ष थापाले सहकारी सस्थाले आफ्ना सदस्यहरुको हितमा काम गर्नुपर्ने बताए । पछिल्लो समय सहकारी संस्थाप्रति नागरिकको नकारात्मक धारणा आएको हुँदा त्यस्ता नकारात्मक धारणालाई चिरेर सहकारी संस्थाहरु अगाडी बढ्नुपर्ने अध्यक्ष थापाले बताए ।
सहकारीका अध्यक्ष रोशन आचार्यको अध्यक्षतामा सम्पन्न उक्त कार्यक्रममा गाउँपालिकाका उपाध्यक्ष भुवन सिं गुरुङ, सस्थांका सल्लाहाकार सदस्य कृष्णराज न्यौपाने लगायतले शुभकामना मन्तव्य राखेका थिए ।
२०७१ सालमा स्थापना भएको उक्त सहकारी संस्थामा ४ सय ४० जना शेयर सदस्य रहेको सस्थाका सचिव अनिल मिश्रले बताए । कार्यक्रमको सन्चालन सचिव मिश्रले गरेका थिए ।
