दमौली, पुस २७
आबुँखैरेनी गाउँपालिका–६ हिलेखर्क स्थित कन्यादेवी माविमा छात्रावास निर्माण गरिएको छ । विद्यालयबाट टाढा घर भएका विद्यार्थीहरुलाई विद्यालयमै बसेर पठन पाठनमा सहयोग पु¥याउने उद्देश्यले आबुँखैरेनी गाउँपालिकाको आर्थिक सहयोगमा छात्रावास निर्माण गरिएको हो ।
उक्त छात्रावासको शुक्रबार आबुँखैरेनी गाउँपालिकका अध्यक्ष शुक्र चुमानले उद्घाटन गरे । सो अवसरमा बोल्दै अध्यक्ष चुमानले सामुदायिक विद्यालयबाट गुणस्तरीय शिक्षा प्रदान गर्ने उद्देश्यले बस जान सक्ने विद्यालयमा बस र बस जान नसक्ने विद्यालयमा छात्रावास बनाउने नीति लिईएको बताए ।
उक्त छात्रावासमा हाल कक्षा ८,९ र १० का ४५ जना विद्यार्थीहरुलाई राखेर अध्ययन गराईएको छ ।
