तनहुँ । बैशाख १
नँया वर्ष २०८२ को अवसरमा सोमबार शुक्लागण्डकीमा राष्ट्रिय खुल्ला भुजिकोट स्थानाथोक उकालो दौड प्रतियोगिता आयोजना गरियो । अन्नपूर्ण युवा क्लवको आयोजनामा शुक्लागण्डकी–२ कोत्रेबाट स्थानथोक कोटरदरबारसम्मको ९ किलोमिटर दुरीमा भएको सो प्रतियोगिताको नगरप्रमुख कृष्णराज पन्डितले उद्घाटन गरे ।
स्वास्थ्यको लागि दौडौं, विकासकोलागि दौडौं भन्ने मुल नाराका साथ आयोजित दोस्रो प्रतियोगितामा १ सय ५० बढिको सहभागिता रहने प्रवक्ता तिर्थराज खनालले जानकारी दिए । उक्त दौड कोत्रेस्थित लालध्वजचोकबाट सुरु हुने दौड एक्लेखेत, तार्कुडाँडा, मनवानपूर, भुजीकोट स्थानथोक हुदै भूमेभैरम कोटमा पुगेर सकिएको थियो ।
प्रतियोगिता संयोजक खेम गुरुङका अनुसार प्रतियोगितामा प्रथम हुनेले नगद ३३ हजार ३ सय ३३, द्धितीयले २२ हजार २ सय २२, तृतीयले ११ हजार १ सय ११, चौथोले ५ हजार ५ सय ५५ र पाँचौ हुनेले ३ हजार ३ सय ३३ सहित मेडल र प्रमाणपत्र पाएका थिए ।
स्थानथोकमा विभिन्न कार्यक्रमहरु गरिएको क्लवले जनाएको छ । महिलाहरुबीच भाले छोप्ने प्रतियोगिताका साथै गुलेली हान्ने प्रतियोगिता गरिएको अध्यक्ष खनालले बताए । सो क्षेत्रमा वि.स. २०६५ सालबाट अनौपचारिक रुपमा होमस्टे सञ्चालन गरिएको थियो । त्यसको केहिवर्षपछि औपचारिक रुपमा होमस्टे सञ्चालनमा आएको हो ।
हाल भूजिकोट सामुदायिक, दगाम सामुदायिक, इमान्दार सामुदायिक र स्थानथोक सामुदायिक होमस्टे सञ्चालनमा छन् । दुलेगौडाबाट करिव ७ किलोमिटरको दुरीमा अवस्थित भुजिकोट भ्यू टावरबाट कास्कीका ५ वटा तालहरु देख्न सकिन्छ ।
