अन्जान परियार । भिमाद, जेठ ३
भिमाद नगरपालिकामा सन्चलान भएको निशुल्क आँखा जाँच शिविर बाट ५ सय ६६ जनाले परिक्षण गराएका छन् ।
नगरपालिकाको विभिन्न वडामा वैशाख ३० देखि जेठ १ गतेसम्म सन्चालन भएको शिविरमा आँखा परीक्षण गराएकाहरू मध्ये ४२ जनामा मोतिबिन्दु भेटिएको छ । मोतिबिन्दु प्रमाणित भएकाहरुको जेठ ७ गते हिमालय आँखा हस्पिटल पोखरामा निःशुल्क सल्यक्रिया गरिने भएको छ । सो शिविरबाट आँखा कमजोर देखिएका २ सय २३ जनालाई निशुल्क चस्मा वितरण तथा औषधि बितरण गरिएको थियो ।
शिविरको पहिलो दिन वैशाख ३० गते वडा नं १ स्थित पृथ्वी माध्यमिक बिधालय प्राङ्गणमा १९४ जनाको परिक्षणमा १८ जना मोतिबिन्दु भेटिएको थियो । यसैगरी ३१ गते वडा नम्बर ३ को बाल शैक्षणिक माध्यमिक बिधालयमा १ सय ३६ जनाको परिक्षणमा १८ जनामा मोतिबिन्दु भेटिएको थियो भने वडा नम्बर ५ को दिपक माध्यमिक बिधालयमा २ सय ३६ जनाको परिक्षणमा ६ जनामा मोतिबिन्दु भेटिएको नगरपालिकाका स्वास्थ्य शाखा प्रमुख सुनिता धरेलले जानकारी दिईन् ।
भिमाद नगरपालिका स्वास्थ्य शाखाको आयोजना तथा हिमालय आँखा अस्पताल पोखराको प्राविधिक सहयोगमा संचालन भएको शिविर विहिबार सम्पन्न भएको हो ।
